MANILA, Philippines - Dahil sa masamang epekto sa kalusugan ng tattoo at body piercing, nais ni Senator Manny Villar na patawan ng 6 na taong pagkabilanggo at multang hindi lalampas sa P20,000 ang sinumang mahuhuli na maglalagay nito sa mga wala pang 18 taong gulang o menor de edad.
Sa Senate Bill 1125 na inihain ni Sen. Villar, sinabi nito na maraming health implications ang paglalagay ng tattoo at body piercing kaya dapat itong i-regulate ng gobyerno.
Hanggang ngayon aniya ay hind pa malaman ang chemical structure ng coloring agents na ginagamit sa pagta-tattoo na sinasabing may mataaas na microbiological at impurities at marami ring kasamang metals katulad ng cobalt at mercury.
Kabilang umano sa health effects na nakukuha sa pagpapalagay ng tattoo at body piercing ay mga viral infections katulad ng hepatitis, AIDS at cutaneaous infections; bacterial infections katulad ng impetigo, toxic shock sybdrime, tetanus, chancroid, tuberculosis at leprosy.
May mga nagpapa-tattoo rin umano ang nagkakaroon ng fungal infections at allergic reactions.
Posible ring umanong magkaroon ng pagbabago sa ugali o behavioral changes ang mga nagpapalagay ng tattoo o body piercing at magkaroon ng iba pang uri ng sakit sa balat katulad ng psoriasis.
Nais ni Villar sa kaniyang panukala na kumuha muna ng consent mula sa magulang o guardian ang isang minor na nais magpa-tattoo o body piercing.
Dapat ding magpakita ng personal identification ang isang taong nais magpalagay ng tattoo o magpa-body piercing upang patunayan na lampas na sa 18 taong gulang ang kanilang edad.
Subject: Tattoo, body piercing bawal sa menor de edad 
Thu Sep 02, 2010 10:43 am
