P-Noy ititiwalag sa Katoliko

MANILA, Philippines - Malaki ang posibilidad na ma-excommunicate mula sa Christian community si Pangulong Noynoy Aquino kung itutuloy nito ang planong pamimigay ng contraceptives.

Ayon kay Catholic Bi­shops’ Conference of the Philippines (CBCP) President at Tandag Bishop Nereo Odchimar, mara­ming grounds ang excommunication o pagtitiwalag mula sa Christian community at isa na rito ang abor­siyon, na palaging kakabit ng artificial family planning.

Ang pamimigay naman aniya ng contraceptive ay ‘accessories’ sa krimen ng aborsiyon, ngunit sa ilalim ng ilang kondisyon.

Kasabay nito, pina­yuhan pa ni Odchimar si PNoy na bilang pangulo ng lahat, dapat ding ikon­si­dera nito ang posisyon ng Sim­bahang Katoliko lalo na’t ang moral na as­ peto ng na­turang isyu ang panig nila.

Nanindigan pa si Od­chimar na ang aborsiyon ay isang krimen na may kaakibat na excommunication at paglabag sa utos ng Diyos.

Sa kabila naman nito, sinabi ni Odchimar na bukas sila sa pakikipag­dayalogo sa pangulo hinggil sa naturang isyu.

Binigyang-diin pa nito na hindi populasyon kundi graft and corruption ang sanhi ng kahirapan sa bansa.

Tiniyak naman ni Health Secretary Enrique Ona na patuloy na mami­migay ng mga artificial contraceptives ang DOH sa mga mag-asa­wang nais na magkontrol ng pamilya, sa pama­magitan ng ka­nilang mga health centers sa buong bansa.

phil star