HomePortalGalleryRegisterLog in

Share | 
 

  'Run for the Pasig River', gumawa ng bagong World Record

View previous topic View next topic Go down 
AuthorMessage
benchok24
Admin
Admin


Posts : 1071
Join date : 2010-06-10
Age : 33
Location : makati

PostSubject: 'Run for the Pasig River', gumawa ng bagong World Record    Mon Oct 11, 2010 10:20 am



MANILA, Philippines - Tiwala ang tinatayang higit sa 130,000 runners na sumali sa “10.10.10 Run for the Pasig River” na nabura na nila ang lumang rekord sa pinakamaraming bilang na lumahok sa isang fun run sa Guinness Book of World Records.

Ayon sa event organizer na ABS-CBN, uma­abot sa 150,000 runners ang nag­parehistro sa naturang event ngunit inaasahan na nasa higit 131,000 ang aktuwal na nagpartisipa.

Sapat na ang naturang bilang upang burahin ang lumang rekord na 110,000 runners na lumahok sa “Bay to Breakers race” sa San Francisco, California noon pang taong 1998.

Nabatid naman na may kinatawan ng Guinness na nag-obserba sa naturang fun run kung saan isasa­ilalim muna sa masusing “auditing” ang bilang ng mga tumakbo at nakata­pos sa “finish line” bago makumpirma kung mabu­bura ang rekord.

Nasa 1,750 pulis na­man buhat sa NCRPO ang nagbi­gay seguridad sa mga lugar na pinagdausan ng event. Dakong alas-4:15 ng madaling arauw nang mag-umpisa ang 21K run sa may Riverbanks, Mari­kina City; 5:45 ng umaga ang 10K sa Ayala Avenue sa Makati City; 5k sa Star City sa Pasay at 3K run sa SM Mall of Asia.

Tinataya namang nasa 175,000 ang “crowd estimate” ng NCRPO sa na­turang event kabilang na ang mga nagpartisipa sa pagtakbo at mga nanood.

Tuwang-tuwa naman ang mga manunood sa pagtakbo ni boxing champ Manny Pacquiao na luma­hok sa 10K run at tinapos ito ng walang pahinga. Tumakbo rin sina dating Pangulong Fidel Ramos at Ming Ramos sa 5K; ABS-CBN chief executive officer Gabby Lopez sa 21K; El Shaddai evangelist Bro. Mike Velarde sa 5K.

Ang mga nanalo sa events ay sina Richard Salona at Leaser Pedrina sa 3K run; Mervin Guarte at Leann Baracena sa 5K; Alquisa Bolivar at Darleen Jamil sa 10K.

Tinatayang nakalikom ang organizers ng mula P10-P12 milyong pondo na hahatiin sa pag­tatayo ng “Calauan resettlement site sa Laguna” at paglilinis ng Ilog Pasig

by phil star
Back to top Go down
 
'Run for the Pasig River', gumawa ng bagong World Record
View previous topic View next topic Back to top 
Page 1 of 1
 Similar topics
-
» River Crossens, a Pirate, and a Jack Pike...................
» Clydagh River Jan 16th 2011
» To sluice or not to sluice a boddington river?
» Huchen from venue River Dunajec v2
» Who's ready for a trip to Palmer River.

Permissions in this forum:You cannot reply to topics in this forum
Basketbol ng Pilipinas :: Not just Basketball! :: Entertainment & Current Events-
Jump to: