Pacquiao hindi opsyon si Marquez

Hindi opsyon si Juan Manuel Marquez para pumalit kay Antonio Margarito bilang kalaban ni Manny Pacquiao sa Nobyembre 13 sa Dallas Cowboy’s Stadium sa Arlington, Texas sakaling hindi makakuha ng lisensya sa Texas si Margarito.

Kailangang patunayan muna ni Marquez ang kakayahan laban sa mga lehitimong welterweights tulad nina Andre Berto o Joshua Clotte bago pagbigyan sa hinihiling na trilogy encounter.

Si Marquez ang reig­ning WBO at WBA lightweight champion, mas mababa ng 12 pounds sa kasalukuyang fighting weight ni Pacquiao.
Sakaling hindi umano kumasa si Pacquiao, na ayon sa ulat ng boxingscene.com ay mas malamang na hindi matuloy, may dalawang posibleng opsyon sa mesa. Nasa listahan ni Golden Boy CEO Richard Schaefer si WBA 140-pound champion Amir Khan, at WBO interim lightweight belt holder Michael Katsidis.

“There are particularly two fights for Marquez, which are either staying at 135 and fighting Katsidis, or moving up and fighting Amir Khan,” ani Schaefer.
Sakaling matuloy kay Khan, magaganap ang laban sa Dec. 11. Kung magdedesisyon na manatili sa lightweight para dumepensa kay Katsidis, malamang na ikasa sa Nobyembre o Disyembre.

“If that’s the case (manatili sa 135), then obviously, I will attempt to work out a deal for him to fight Katsidis, who is promoted by Golden Boy as well,” dagdag ni Schaefer.
Hindi pa tuluyang ibi­nabasura ni Marquez ang pakikisagupa kay Khan sa 140. Naniniwala si Schaefer na malaking bahagi sa desisyon ni Marquez ang financial terms.

“Juan Manuel Marquez hasn’t said that he wouldn’t move to 140 obviously if it comes down to the financial consi­derations. Let’s not kid ourselves. If the money is substantially bigger in an Amir Khan fight, then I’m sure that he would look at it,” paliwanag ni Schaefer. “If the money in an Amir Khan fight is not substantially bigger, then I’m sure that he’s pro­bably going to defend his unified lightweight titles.”

source:abante